Wednesday, March 5, 2008

Boondey!!!


...Boondey!!!...

Kabhi yaado ko chedati … tip tipati boondey
Kabhi muskaan khilaati … sharaarati boondey;
Kabhi khidkiyon se takraati … bulaati boondey
Kabhi ghataaon se, Kabhi palko se … barasti boondey!!


Kisikii baaton-si lagtii … keh kehaati boondey
Humari chatt pe aakar … sar saraati boondey;
Usee chatt pe hume khinchti … bheegaati boondey,
Phir choo leti hothon ko … halki gun gunaati boondey!!


Kabhi darr, kabhi thandd banke … thar tharaati boondey
Aur kabhi puraane dard ko … pyaar se sehlaati boondey;
Bahot bheegey iin boondon mei … Dekho baarishh bhi thamm gayi
Shouk se abb in ankhon me dekho …
Paaoge kuch sookhtii boondey!!!


~ Rups ~ Rains of 2006, @ my Pent House in Bangalore