... Mubarakaa, Mubarakaa!

Zindagi ko garr kaho 'zaayka' -

Kuch namkeen, kuch khatta;

Khuda karey, naam tere -

Aaye wo, jo ho subsey Meetha !!!


~ Rups ~
22nd Aug 2007
( B'day Wishes for a colleague, for a friend - Gowri! )

Umeed hai, Intezaar hai…. Buss ek wo hi nahi ….!!!

Dil hai, dhadkan hai; Saansey hai, zindagi hai;
Zindagi hai, Hum hai, … Buss ek wo hi nahi …!!!


Os ki boondey hai; Halki subah ki dhoop hai;
Dhoop hai, Chaaon hai… Buss ek wo hi nahi …!!!


Sooraj me doobi lehre hai; Raah dekhta saahil hai;
Saahil hai, Samundar hai, … Buss ek wo hi nahi …!!!


Ek anjaani manzil hai; Safar ki haseen Raahey hai;
Raahey hai, Raahi hai; … Buss ek wo hi nahi …!!!


Sitaaro ki mehfil hai; Roshan chandni sey raat hai;
Raat hai, Tanhai hai; … Buss ek wo hi nahi …!!!


Manzar-e-Mohabbat hai; us farishtey ki khwahish hai;
Khwahishey hai, khamoshi hai… Buss ek wo hi nahi…!!


Ek tootati zindagi hai; Ek aakhiri umeed hai;
Umeed hai, Intezaar hai…. Buss ek wo hi nahi ….!!!



~~~ Rups ~~~
10th August 2007 ...203, Bangalore

Saans lete thak gaye, abb nikla humara janaaza hai...
Janaaza hai, meri maut ka magar... Phir bhi ek wo hi nahi....!!!

Alone…

As yet another tiring week passes by,

As I get closer to the most awaited weekend…

I remember all those old weekends we spent together

And then, it gets tougher to go home & stay there alone!!!

As I still live in the same city, near his old house

As I pass by the same lanes & same places…

I remember all our walks on those streets together

And then it makes no sense to be in the same city so alone!!!

As we share a few common friends,

As those friends are still in touch…

I remember all those outings to best of pubs together

And then it HURTS so much to avoid them, just to be alone!!!

~ Rups ~ ~~~~ 17th August 2007, Friday ~~~~

Why don't they understand,

Those who leave, without saying 'GoodBye'?

Why do I have to see the truth in Mirror?

Why the Mirrors don't even try to Lie?

...

abhi toh jagey hai ... usike khwabo se..
Abhi toh nikale hai ... usike khayalo se ..
Kuch aur is khumari me rehne do ...
Shayad yeh dinn bhi phir hasseen katey!




~ Rups ~

...Chahtey Hai...

Bahot so chukey abbtakk
Abb thoda jaganaa chahtey hai;
Kisikey soyi soyi ankho me ...
Raat bhar khona chahtey hai!!!

Bahot khamosh rahe abbtakk,
Abb thodi baatey karna chahtey hai;
kisiki aahaton ko sunanaa hai...
kisiki dhadkano me khona chahtey hai!!!

Bahot chaltey rahe abbtakk,
Abb thoda ruknaa chahtey hai;
Kisika haath thaame baithna hai...
Kisiki aghoshh me simatna chahtey hai!!!

Bahot saansey lee abbtakk,
Abb thoda JEENA chahtey hai;
Kisiki ‘jaan’ bankar dekhnaa hai...
Kisime rooh bankar jeena chahtey hai!!!

~ Rups ~

Kya Haseen Yeh Khayaal hai ..
Ki aapkey Khayalo me khoye rahey;
Raatbhar tehaltey rahey chhatt par
Chaand me aapko talaashtey rahey!

15th March 2007, Bangalore

... a B'day Song ..

Wish you were here, with me ,
Wish we were together on this special day,
Wish I could've celebrated it in my own special way,
However, it seems wishes don't come true anymore,
It seems things for you are better this way...
... Guess, you are much happier when you are away!

Still, i wanted to WISH you a WONDERFUL B'DAY
Wished to see you SMILING ... today, tomorrow & every other day...

I kept wondering all night yesterday - what gift can i present to you?
I wondered what's that one thing that'll ensure you remain happy forever?
I got the answer - in all your past words to me ...
It was my absence!!!
-Not that it would have meant much to you,
Same as my presence...
But here is my Gift to you, My Beloved Friend...
On this very day, from your life, I move away... Far Far Away.... !!!

Still, i wanted to WISH you a WONDERFUL B'DAY
Wished to see you SMILING ... today, tomorrow & every other day...
That's what i wished to do - before I could go away!

~Rups
Couldn't get a Cake, Couldn't get a bouquet;
Couldn't even meet, Couldn't even wish, him
'Cos I wasn't needed, I wasn't missed...
So, I penned my wishes ... In this b'day song for him.

... Kal takk they jinkey aas paas...

Kal takk they jinkey aas paas,

Aaj unki hi khabar milti nahi;

Rehti hai unki tasweer aankho mei,

Magar unhi sey nazar milti nahi!!!

Yahaa ke log humey dekh-kar,

Yaad Aapko hi kartey hai…

Humey toh humey; In logo ko bhi,

Abb Aapsey fursat milti nahi!!!

Aap par likhey nazmo ki kitaab,

Seeney se lagaaye rakhi hai;

Iskey alawaa ghar me humarey,

Koi keemati cheez milti nahi!!!

Mohabbat key sataay, hum,

‘Uff’ karna bhi bhool chukey;

Aap ke hotey kuch araam tha,

Abb koi dawaa milti nahi!!!

~~Rups~~

Jabtakk unkey kareeb rahey... Unki aankho me doobna lajmi tha;

Magar unsey bichadkar; aansoo-o me doobna bhi khoob laga!

Theys toh lagni hi thi dil ko; Ek arsaa huaa milkar unsey…

Phir milney ki umeed sey hi, us chot ka bhar anaa bhi khoob raha!

Ek Mehfil aur Ek Ajnabee...

Us din ke mehfil me - humara janaa bhi khoob raha;
Ek haseen ajnabee se, takraana bhi khoob raha!

Waise to anjaanon se yoon khulkar hum milte nahi -
Magar us anjaan chehre ko pehchaanana bhi khoob raha!

Dilpheynk toh hum nahi; Guroor thoda hum me bhi hai,
Magar ek anjaaney key liye is dil ka dhadknaa khoob raha!

Abtakk Log dekhtey they humey, humne kisiko nihara nahi,
Lekin un nigahon me, humaraa doobna bhi khoob raha!

Woh toh khamosh rahey… Bharey Mehfil me raatbhar,
Aur unhisey baat karneke liye – humara tadapna bhi khoob raha!

Abtakk hum samjhe nahi – kyoun rehta hai dil na saboor?
Lekin unhey samney paakar, sukoon ka lautna khoob raha!

Mehfil-e-shaam ke dhaltey, shayad wo humey bhool gaye…
Magar achanak dobaraa sey unsey milna bhi khoob raha!

Lagta tha milkar unsey, kaheen aadat na padd jaye unki … Lekin
Unsey mehroom hokar, unko khud me hi panaa bhi khoob raha!

~~Rups~~
Unsey toh bahot kuch mila hai, dard bhi dawaa bhi;
Lekin unsey milne ke baad, duniya se khona bhi khoob raha...!!

'Ek Mehfil Aur Ek Ajnabee' ... Dedicated to the FIRST sight ... the FIRST meet!!!

... Kal Raat Kuch Sarrdd Thi ...

Kal raat kuch sarrd thi,
woh bhi der tak soya hoga;
aur aaj suraj ki roshni nei,

usey bhi toh sehlayaa hoga...!

Aaj Aieney kei saamney -
woh bhi kuch pal ruka hoga;
apney hi eik muskaan mei -
(shayad) usne mujhe dekha hoga.

Phir beganey bheed mei -
woh bhi chal pada hoga;
mushgul hua hoga is kadar kei -
khud ko bhi bhool gaya hoga.

Shaam kei hote hi -
Woh bhi ghar lauta hoga;
Ek pal ke liye hi sahi, shayad-
Usney mujhe yaad kiya hoga.

Gar aisa na bhi hua toh.... ,
ussey kaise shikayat karoon?
buss bann jaaoon ainaa uskaa-
aur uskei muskaan ka intezaar karoon !!

~~ Rups
Is intezaar ka koi anjaam nahi toh kya?
Meri is zindagi ko ek wajah toh mil gayi...

Wo miley toh sahee !!!

Phir kar lenge zindagi pe aitbaar; Wo ek dafaa humsey miley toh sahee;

Taqdeer se na rahegi taqraar; Wo haatho ki laqeero me dikhe toh sahee!

Khud se rahey rooothe kabb takk? Abb toh hum bhi kuch thakk se gaye;

Hothon pe saja lenge phir hasee; Wo ek baar muskuraye toh sahee!

Is intezaar ka kya kehnaa? … Unkey saaye se dil behlaate rahe

Phir bhi karenge khud pe naaz … Wo haqeeqat me ek pal miley toh sahee!

Kabbtakk roke rakhe ashqo ka tufaan? Abb toh aankhe bhi thakk gayi;

Inhe bhi mile barsaat ka mauka… Wo apni baaho mei hume bhare toh sahee!

Humari saanso me unki yaadein? Ya, unki yaadon se humari saansein?

Iska bhi laga lenge hisaab … Wo yakeen-e-halaat karey toh sahee!

~ Rups ~
Ek umr guzar gayi, unki ummeedo ke saharey;
Chalo umeed pe hi sahee, hum jiye toh sahee!